Пас аз инҳисори дубораи шарқи Ҳалаб аз тарафи артиши давлати Сурия ҷомеъаи ҷаҳонӣ талош дорад, ба раисҷумҳури Русия Владимир Путин фишор орад, то долони кӯмакрасон ба ин қисми шаҳр боз шавад.
Раисҷумҳури Туркия Раҷаб Таййиб Ардуғон гуфтааст “алъон мо ҳамкориро бо Русия дар масъалаи Ҳалаб бештар мекунем. Хеле умед дорем ки то оғози иди Қурбон ба оташбас муваффақ шавем”.
Садри аъзами Олмон Анҷело Меркел ҳам изҳор кардааст “фикр мекунам раисҷумҳури Русия Владимир Путин дар масъалаи оташбас ё қатъи муваққатии амалиёти ҷангӣ дар ин минтақа барои расонидани кӯмакҳои ғизоӣ таъсири зиёд дорад.
Ин бисёр муҳим аст. Ман ҳангоми гуфтугӯ бо ӯ ба ин масъала ишора кардам”.
Шарқи шаҳри Ҳалаб, ки дар дасти мухолифони Асад қарор дорад, ду рӯз пеш дубора дар инҳисори артиши давлати Сурия қарор гирифт ва созмонҳои ҳуқуқи башар хавф доранд, ки ин инҳисор метавонад бо гуруснагии мардум дар ин қисмати шаҳр мувоҷеҳ шавад.
