Корхонаи “Тоҷик Азот”, ки ба Зайд Саидов ва шарики тиҷории ӯ Дмитрий Фирташ, миллионери укроинӣ таъаллуқ дошту баъди боздошти Зайд ба ҳукумати кишвар онро тасарруф карда буд, баъди танаффуси 7 сола имкон дорад аз нав ба кор оғоз кунад.
Кумитаи давлатии сармоягузорӣ ва идораи амволи давлатии Тоҷикистон иттило додааст, ки 50 дарсади саҳмияҳои “Тоҷик Азот” ба гурӯҳи холдингии “Хэнан Чжун-Я”-и чинӣ барои 10 сол пешниҳод шудааст. Дар назар аст ин ширкати чинӣ ба “Тоҷик Азот” 360 миллион доллар сармоя ворид намуда, давоми як сол онро ба кор дарорад. Дар сурати ба кор оғоз намудани он, имкон дорад 1000 нафар ба ҷои кор таъмин шаванд.
Пас аз ҳабси Зюйд Саидов 80 дарсади саҳмияҳои ба Дмитрий Фирташ (75%) ва Зюйд Саидов (5%) ба фоидаи давлат “мусодира” шуда буд. Дмитрий Фирташ эълон кард, ки тавассути додгоҳи байналмиллалӣ барои баргардонидани ҳақи худ талош хоҳад кард, аммо худаш дар гирдоби ҳаводиси Укроин печид.
Корхонаи “Тоҷик Азот”, ки дар шаҳри Сарбанд воқеъ аст, дар сурати пурра фаъолият карданаш имкони таъмини пурраи кишвар бо нуриҳои минералиро дорад. Сабаби қатъи фаъолияти он қатъи воридоти газ аз Ӯзбакистон буд ва маълум нест чиниҳо газро барои он аз куҷо дарёфт хоҳанд кард.
Шоҳиди ҳодисаи муҳим шудед?
Иттилоъ, акс ё видео фиристед — маводҳо махфона баррасӣ мешаванд.
