Замоне, ки омбудсмени тоҷик бояд ба суолоти САҲА дар мавриди ҳуқуқи инсон дар Тоҷикистон посух гӯяд, толори ҷаласаи ин созмон аз аксҳои маҳбусони сиёсии тоҷик пур шудааст.
Аъзои ҲНИТ бо футболкаҳое, ки дар он аксҳои зиндониёни сиёсӣ наққошӣ шудааст, пушти саҳнаи музокиротро пур кардаанд. Дар аксҳое, ки хабарнигори Паём.нет фиристодааст, намояндагони Тоҷикистон ҳам дида мешаванд, ки дар охири толор ва чанд қадам пештар аз тазоҳуркунандагон нишастаанд.
Дар видеоҳое, ки ширкаркунандагони тазоҳурот мустақиман дар фейсбук пахш мекунанд, дида мешавад, ки намояндагони Тоҷикистон сахт мушаввашхотир шуда, кӯшиш мекунанд дар аксу видео нафароянд.
Чанде қабл мақомоти иддао карда буданд, ки Тоҷикистон маҳбусони сиёсӣ надорад. Худи Ализода, ки инак бояд ба суолоти САҲА посух гӯяд, гуфта буд, ки гурезагони тоҷике, ки ба Аврупо мераванд, сиёсӣ набуда, бо далелҳои иқтисодӣ ҳиҷрат мекунанд. Аммо акнун, замоне, ки қабл аз баромади Зарифӣ толори САҲА пур аз гурезагони сиёсии тоҷик ва аксҳои маҳбусини сиёсӣ шудааст, ӯ чӣ гуна иддаояшро собит хоҳад кард, суоли матраҳ аст.
