Дар нишасти имрӯзи Созмони амният ва ҳамкории Аврупо мавзӯъи “Зиндониёни сиёсӣ дар Тоҷикистон” баррасӣ шуд, ки дар он раиси ҲНИТ Муҳиддин Кабирӣ низ суханронӣ кард.
Ин нишаст, ки Муҳаммадиқбол Ҳусайнӣ, гардонандаи он буд, якуним соат давом кард ва дар он ҷузъ раиси ҲНИТ намояндагони созмонҳои дифоъ аз ҳуқуқи башар низ суханронӣ карданд. Баъди суханронии Муҳиддин Кабирӣ, байни ӯ ва ширкаткунандагони маҷлис суолу ҷавоб баргузор гардид.
Раиси ҲНИТ аз баргузоркунандагони ин нишаст ташаккур кард ва аз фишорҳое, ки болои наздикони тазоҳуркунандагон дар кишвар сурат мегирад, сӯҳбат кард. Ӯ ҳамчунин ба фирори ҳайати ҳукумат пас аз фошкориҳои ширкаткунандагони ҷаласа ишора кард, ки баёнгари воқеъии вазъи кишвар аст. Матни пурраи суханронии раиси ҲНИТ ба зудӣ нашр хоҳад шуд.
Баъди анҷоми нишаст, вохӯрии ҳайати ҲНИТ бо ҳайатҳои кишварҳо ва созмонҳо баргузор гардид, ки ҳайатҳо аз вазъи имрӯза дар Тоҷикистон суолҳои зиёде доштанд.
