Ширкати Ҷамол 2012, ки сардори кулли он нафаре бо номи Ҷамолиддин Расулов будааст, гӯё барои ба кор таъмин намудани шаҳрвандони Тоҷикистон таъсис ёфтааст, вале дар асл аз ҳисоби муҳоҷирини корӣ ба Арабистони Саъудӣ даромадҳои ҳангуфт ба даст меораду аксари вақт онҳоро фиреб медиҳад.
Тибқи иттилои як манбаи мо дар Арабистони Саъудӣ, ин ширкат бо ваъдаи таъмини кор дар ин кишвар аз муҳоҷирон 5-10 ҳазор доллар гирифта, онҳоро дар Арбаистон бидуни кор раҳо мекардааст.
Ҳамчунин ин ширкат духтарони ҷавонро ба Арабистони Саъудӣ мебурдааст, ки ба гуфтаи манбаи мо, аллакай баъзе аз ин духтарҳо дар дасти афроди фаҳшгар гирифтор шудаанд. Тадқиқоти Паём.нетро дар ин мавзӯъ ба зудӣ дар сомонаи мо мутолиа хоҳед кард.
