Вазорати корҳои дохилии Тоҷикистон аз боздошти нозири мизи ҳарбии як ҷамоати деҳоти ноҳияи Ҷалолиддини Балхӣ хабар додааст, ки бо ҷурми гирифтани пора бар ивази билети ҳарбӣ дастгир шудааст.
Гумонбаршуда, марди 43-сола, санаи 19-уми октябри соли 2016, аз зани 47-солаи сокини ноҳияи Ҷ.Балхӣ барои додани билети ҳарбии қалбакӣ ба писари 21-солааш маблағи 3000-сомониро ба сифати пора талаб карда гирифтааст.
Тибқи баъзе маълумотҳо дар Тоҷикистон на фақат гурезагон то гузаштани муҳлати даъватияшон, то 27 солагӣ бо супоридани пора ва ё харидани билети ҳарбӣ аз хидмати ҳарбӣ халос мешаванд, балки ҳатто онҳое, ки дар хидмати Артиши миллӣ адои хидмат мекунанд, ҳар моҳ гарави саломат ва зинда монданашон ба афсарони боломақоми худ мудом то анҷоми адои хидмат пора дода меистанд.
