Дирӯз 21 август нахустин гурӯҳи ҳоҷиёни тоҷик ба Мадинаи мунаввара рафта расиданд. Ҳоҷиёни тоҷик дар меҳмонхонаҳои атрофи Масҷиди Набавӣ ҷойгир шудаанд.
Дар ин бора расонаҳои маҳаллӣ хабар додаанд.
Дар назар аст, ки имрӯз, 22-юми август ин гурӯҳи ҳоҷиёни мо аз мавзеъҳои таърихии Мадинаи мунаввара, аз ҷумла масҷиди «Қубо», масҷиди «Қиблатайн», кӯҳи Уҳуд ва амсоли он дидан намоянд.
Баъди чанд рӯзи будубош дар Мадинаи мунаввара ҳоҷиён ба Маккаи мукаррама сафарбар мешаванд.
Тибқи нақша, сафари зоирони тоҷик то 5-уми сентябр идома мекунад. Бозгашти ҳоҷиёни тоҷик аз сафари Ҳаҷ, дар назар аст, ки 17-уми сентябр оғоз шавад.
Қобили зикр аст, ки имсол наздик ба 6300 нафар аз кишвари мо тавофи Хонаи Каъба хоҳанд кард.
