Қиссаи як дуъо ва эътирофи КДАМ ба золимии Эмомалӣ Раҳмон

Як имоми масҷид, ки баъдан бо сабаби ҳамин дуъояш аз имоматӣ барканор шудаву зери таъқиби КДАМ қарор гирифтааст, ин қиссаро нақл кард.
Дар яке аз намозҳои ҷумъа ӯ дуъо мекунад, ки “Худовандо, золимонро худат саришта кун, агар лоиқи ҳидоятанд, ҳидояташон кун ва агар лоиқи ҳидоят нестанд, тезтар ба бадтарин азоб гирифторашон кун ва аз шаррашон мусалмононро наҷот деҳ”.
Баъди анҷоми намози ҷумъа билофосила ба ӯ аз КДАМ занг мезананд ва амр мекунанд, ки зуд ба идораи онҳо ҳозир шавад.
Онҷо аз ӯ мепурсанд, ки “имрӯз дар намози ҷумъа чӣ дуъо кардӣ?” Посух мегӯяд, ки ҳамон дуъое, ки ҳар вақт мекардам. Масъули КДАМ мегӯяд, “не, дар ҳаққи Ҷаноби олӣ чӣ дуъо кардӣ?”. Имом мегӯяд, ки дар ҳақи ӯ дуъо накардааст. Масъул сабти дуъоҳояшро мегузорад ва ҳамонҷое, ки дар ҳаққи нобудии золимон дуъо карда буд, бозмедораду мегӯяд “пас ин дар ҳақи кӣ аст?” Имом мегӯяд “охир ман дар ҳақи золимон дуъо кардам, Ҷаноби олӣ чӣ дахл дорад?” Масъули КДАМ даст ба миз мезанаду мегӯяд, ки “ не п.зди, баъд дар ҳамин Тоҷикистон мо чанд золим дорем? Ҷаноб золим набошад, баъд кӣ золим аст?”
Эътирофи зулми Эмомалӣ Раҳмон бори аввал нест. Масъулони давлатӣ воқеъан эътироф мекунанд, ки ӯ золим аст, вале бо вуҷуди ин аз ӯ дифоъ мекунанд. Ва бештари онҳо инро тақозои замон медонанд. Мисли ҳамон қозии Зайд Саид, ки баъди эълони ҳукм аз пайвандонаш узр хоставу гуфтааст, ки “аз мо наранҷед, фармон аз боло буд, тақозои замон ҳамин аст.”

Short URL: https://smtlink.click/zr4isvCopyQR Code