Ҳокими “соягӣ”-и вилояти Кундуз, ё ҳокиме, ки аз тарафи Толибон таъин шудааст, баъди ҷароҳат бардоштанаш ба Тоҷикистон бурда шуда, дар онҷо табобат гирифтааст.
Тибқи иттилои сомонаи дар ин бора волии устони Арчии вилояти Кундуз изҳорот додааст. Тибқи гуфтаи ӯ “ҳокими соягӣ”-ро ба Тоҷикистон русҳо бурдаанд. Аммо ӯ нагуфтааст ҳокими толибонӣ кай ва дар куҷо захм бардоштааст.
Қаблан волии қаблии вилояти Кундуз Умар Сафӣ гуфта буд, ки техникаи ҳарбии Толибон, аз ҷумла он техникае, ки онҳо аз қувваҳои ҳукуматӣ ғанимат мегиранд, барои таъмир ба Тоҷикистон бурда мешавад. Ин техника дар Тоҷикистон ба гуфтаи Сафӣ тавассути муҳандисони рус таъмир карда мешавад.
Аммо мақомоти Тоҷикистону Русия ва худи Толибон ин гуфтаҳои волии қаблии вилояти Кундузро такзиб карданд. Русия гуфтааст ҳамкориаш бо Толибон танҳо дар мубориза бо ДОИШ тамом мешавад.
Мақомоти Тоҷикистон изҳор карданд, ки дар Ағонистон фақат як шарик доранд, ки он ҳам ҳукумати кунунии ин кишвар аст.
