Душанбе – 6-уми январ дар кӯчаи Ҳ. Шерозӣ садамаи нақлиётӣ бо иштироки чор ноболиғ, хонандагони мактаби миёнаи таҳсилоти умумии №1, рух дод. Мувофиқи маълумоти расмӣ, ки мақомоти милитсия нашр кардаанд, садама ҳангоми идоракунии нақлиёти тамғаи „Тайота-Камрӣ“ бо рақами давлатиаш 0550ЅЅ01 аз ҷониби ноболиғ Раҷабов Ф., хонандаи синфи 10, ба амал омадааст.
Тавре милитсияи Душанбе хабар медиҳад, Раҷабов Ф. Ба самти муқобили роҳ баромада, бо монеаи бетонии канори роҳ бархӯрдааст. Дар натиҷаи ин садама яке аз мусофирон, ки низ ноболиғ мебошад, ҷароҳатҳои ҷисмонӣ бардошта, ба беморхона интиқол дода шудааст.
Айни ҳол ҳодиса мавриди таҳқиқи иловагӣ қарор дорад. Дар ҳамин замина, мақомоти милитсия ба волидон ва шаҳрвандон муроҷиат намудаанд, ки барои пешгирии чунин ҳодисаҳо истифодаи нақлиёт аз ҷониби ноболиғонро қатъиян назорат кунанд.
TajNews бо иқтибос аз милитсияи Душанбе гузориш медиҳад, ки барои таъмини бехатарии роҳҳо, зарур аст, ки риояи қонунҳо ва меъёрҳои ҳаракат дар роҳро ҷиддӣ риоя намоем. Ҳамчунин, масъулияти волидон барои назорати фарзандонашон таъкид шудааст.
Тафсилоти бештар дар мавриди ин ҳодиса ва натиҷаҳои таҳқиқот минбаъд нашр хоҳанд шуд.
Шоҳиди ҳодисаи муҳим шудед?
Иттилоъ, акс ё видео фиристед — маводҳо махфона баррасӣ мешаванд.
