Ваҳидуллоҳ Меъёр, сухангӯи вазорати сиҳати оммаи Афғонистон чаҳоршанбе 8 апрел дар нишаст хабарӣ дар Кобул гуфт, фаъолияти бемористони хусусии “Амирӣ” дар Кобул ба далели шуйӯъи вируси коруно муваққатан мутаваққиф шуд.
Меъёр изофа кард, як табиби ин шифохона бар асари вируси коруно ҷон бохта ва 6.5 дарсад кормандони ин шифохона ба вируси коруно мубтало шудаанд. Вай таъкид кард, ҳеҷ шифохонаи хусусӣ дар Афғонистон қобилияти ташхиси вируси коруноро надорад.
Ба гуфтаи Меъёр, вируси коруно вориди марҳалаи гардиши иҷтимоӣ шуда ҳеҷ ҷойи Афғонистон масъун нест ва мардум бояд “бисёр зиёд муроқиби сиҳат”- ашон бошанд ба тавсияҳои беҳдоштӣ таваҷҷуҳи ҷиддӣ кунанд.
Меъёр гуфт, вазорати сиҳати омма барои тамоми вилоятҳои Афғонистон бар асоси омори воқеот ва сатҳи осебпазирии будҷа тахсис дода ва тамоми вилоятҳо таҳти таваҷҷуҳи ин вазорат қарор дорад.
Вай идома дод, бахши озмоишгоҳи ташхиси вируси коруно дар вилояти Ҳирот дар ғарби Афғонистон бо камбуди лавозими беҳдоштӣ рӯ ба рӯ буд, ки субҳи имрӯз чаҳоршанбе ба ин мушкили расидагӣ шуд.
Ба гуфтаи Меъёр, дар вилоятҳои Кобул, Ҳирот, Нангарҳор, Балх ва Қандаҳор озмоишгоҳҳои ташхиси вируси коруно эҷод шуда ва фаъоланд.
Вазорати сиҳати оммаи Афғонистон эълом кард, омори маҷмӯъи мубталиёни ба вируси коруно дар кишвар ба 423 нафар расида, ки 14 нафар бар асари ин вирус ҷон бохта ва 20 нафар дигар ибтило ба ин вирус беҳбуд ёфтаанд.
Дар ҳамин ҳол, Ториқ Орин, сухангӯи вазорати умури дохилаи Афғонистон дар ин нишасти хабарӣ гуфт, барои мубориза бо вируси коруно, қуюи рӯзгардӣ дар шаҳри Кобул аз имрӯз чаҳоршанбе ҷиддитар иҷро шудааст.
Орин изофа кард, нируҳои пулис муваззафанд, ки аз рафт ва омади тамоми шаҳрвандон ҷилавгирӣ кунанд, аммо қувваҳои амниятӣ, кормандони сеҳӣ, кормандони обрсонӣ, кормандони расонаҳо, кормандони мухобирот, кормандони майдон ҳавоӣ, кормандони олирутба (басти аввал ва дувум) , кормандони банкҳо, саррофиҳо ва фабрикот ва ҳамчунон афроде, ки ба хадамоти сиҳатӣ, амниятӣ ва ғизоӣ ниёз доранд шомили ин қуюдот намешаванд
Шоҳиди ҳодисаи муҳим шудед?
Иттилоъ, акс ё видео фиристед — маводҳо махфона баррасӣ мешаванд.
