Сардори Сарраёсати умури муҳоҷирати Вазорати корҳои дохилии Русия, генерал-лейтенанти милитсия Валентина Казакова дар бораи содагардонии низоми гирифтани шаҳрвандии Русия хабар дод.
Дар ин бора хабаргузории Спутник иттилоъ дода навишт, ки сар аз 5 май дар Русия қонуне мавриди амал қарор хоҳад гирифт, ки мувофиқи он муҳоҷирон метавонанд патентро бидуни убури марзи кишвар тамдид кунанд. Сардори Сарраёсати умури муҳоҷирати Вазорати корҳои дохилии Русия, генерал-лейтенанти милитсия Валентина Казакова шарҳ додааст, ки ҳуҷҷатро бидуни убури марзи Русия мешавад чанд маротиба тамдид кард. Ғайр аз он, тартиби гирифтани шаҳрвандӣ барои категорияҳои мухталифи шаҳрвандони хориҷӣ сода карда шудааст. Масалан зодагони Қазоқистон, Молдова, Белорус ва Украина имкон доранд, пас аз гирифтани иҷозат барои истиқомат бо тартиби сода шаҳрвандӣ ба даст оранд».
Казакова афзуда, ки дар ҳоли ҳозир дархост барои гирифтани шаҳрвандӣ ҳамагӣ се моҳ баррасӣ мешавад.
Дар баробари ин тағйирот дар қавонин ба шаҳрвандии хориҷиён низ рабт дорад.
Казакова таъкид кардааст, ки «Пештар шаҳрвандони хориҷӣ бояд барои гирифтани шаҳрвандии Русия аризаи даст кашидан аз шаҳрвандии худро дастрас мекарданд. Ин яке аз шартҳои гирифтани шаҳрвандӣ буд. Дар ҳоли ҳозир ин шарт содда гардонида шуд ва шаҳрванд ҳуқуқ дорад, шаҳрвандии худро дар кишвари дигар ҳифз кунанд».
Шоҳиди ҳодисаи муҳим шудед?
Иттилоъ, акс ё видео фиристед — маводҳо махфона баррасӣ мешаванд.
