Нақшаи ҳамла дар арафаи Наврӯз: Додситонии кул аз боздошти беш аз 30 нафар хабар дод
14-уми феврали соли ҷорӣ, Ҷумъаназар Саидаҳмадзода, сардори Раёсати муқовимат бо терроризм ва экстремизми Додситонии кул, зимни нишасти матбуотӣ изҳор дошт, ки гурӯҳе қасди заҳролудсозии мардумро дар шаҳри Ваҳдат дар арафаи ҷашни Наврӯз доштанд.
Боздошту тафтиши гумонбарон
Ба гуфтаи Саидаҳмадзода, дар робита ба ин парванда то ҳол беш аз 30 нафар боздошт ва зиндонӣ, инчунин 10 нафари дигар таҳти пайгард қарор доранд. Ӯ афзуд, ки боздоштшудагон узви гурӯҳи ДИИШ буда, ба муҳлатҳои аз 8 то 20 сол равонаи зиндон шудаанд. Аммо мақомот номи боздоштшудаҳо ва шахсони таҳти пайгард-ро ошкор накардаанд.
Пайдоиши аввалин хабарҳо
Нахустин бор дар бораи ин парванда 29-уми марти соли 2024, хабаргузориҳои Reuters ва Asia-Plus бо такя ба манобеи амниятӣ хабар дода буданд. Онҳо аз боздошти 9 нафар бо иттиҳоми иртибот бо Вилояти Хуросони ДИИШ ва ҳамлаи террористӣ дар «Крокус Сити Ҳолл» иттилоъ доданд. Дертар шумораи боздоштшудаҳо ба 20 нафар расид.
Вокунишҳо ва радду тасдиқҳо
Он замон Кумитаи давлатии амнияти миллӣ (КДАМ) изҳор дошт, ки ин хабарҳо асоси воқеӣ надоранд. Аммо тобистони ҳамон сол, Додситонии кул тасдиқ кард, ки барои қасди амали террористӣ дар арафаи ҷашни Наврӯз беш аз 20 нафар узви ДИИШ боздошт шудаанд.
Номуайяниҳои парванда
То ҳол маълум нест, ки мурофиаи додгоҳии боздоштшудагон дар куҷо баргузор шудааст ва онҳо иттиҳомоти мақомотро қабул кардаанд ё на. Ҳамчунин, назари пайвандон ва вакилони дифои онҳо то ҳол расонаӣ нашудааст.
TajNews.org ин қазияро пайгирӣ карда, хонандагонро аз таҳаввулоти нав огоҳ хоҳад кард.
Больше на Хабарҳои Тоҷикистон – Садои мустақили мардум
Subscribe to get the latest posts sent to your email.