🇹🇯 Тоҷикистон бо 73 хол дар ҷои 72-юми рейтинги байналмилалии Global Passport Power Rank 2025 ҷойгир шудааст. Тибқи ин рейтинг, шаҳрвандони Тоҷикистон метавонанд ба 27 кишвар бе раводид сафар кунанд, дар 46 кишвар раводидро дар марз дастрас намоянд. Аммо, барои сафар ба 125 кишвар онҳо бояд пешакӣ раводид гиранд.

Мақоми Тоҷикистон дар Осиёи Марказӣ

Дар Осиёи Марказӣ, кишвари пешсаф 🇰🇿 Қазоқистон аст, ки дар ҷои 40-ум қарор дошта, 96 хол дорад. Дорандагони шиносномаи қазоқӣ метавонанд ба 46 кишвар бе раводид сафар кунанд, дар 50 кишвар раводидро ҳангоми расидан гиранд ва барои 102 кишвар раводидро пешакӣ омода кунанд.

🇰🇬 Қирғизистон ва 🇺🇿 Узбекистон мақоми 68-умро (78 хол) ишғол карданд. Шаҳрвандони ин кишварҳо метавонанд ба 32 кишвар бе раводид сафар кунанд, дар 46 кишвар раводидро ҳангоми расидан дастрас намоянд, аммо барои 120 кишвар ба раводиди пешакӣ ниёз доранд.

🇹🇲 Туркманистон дар ҷои 76-ум қарор гирифта, 68 хол дорад. Шиносномаи туркманӣ сафар ба 18 кишвар бе раводидро таъмин мекунад, барои 50 кишвар раводид ҳангоми расидан дастрас аст ва ба 130 кишвар раводиди пешакӣ лозим аст.

Раҳбарони ҷаҳонӣ дар рейтинг

Лидери феҳристи навшудаи Global Passport Power Rank 2025 шиносномаи 🇦🇪 АМА (Объединённых Арабских Эмиратов) бо 180 хол аст. Ин шиноснома ба шаҳрвандони АМА имкон медиҳад, ки ба 133 кишвар бе раводид сафар кунанд. Дар ҷои дуюм 🇪🇸 Испания бо 179 хол қарор дорад. Сеюмро 14 кишвари аврупоӣ, аз ҷумла 🇫🇷 Фаронса, 🇩🇪 Олмон, 🇨🇭 Швейтсария ва 🇫🇮 Финляндия ишғол кардаанд.

Дар поёни феҳрист кишварҳое бо шиносномаҳои камтар мобилӣ ҷойгир шудаанд, аз ҷумла 🇸🇾 Сурия, 🇦🇫 Афғонистон, 🇮🇶 Ироқ ва 🇸🇴 Сомалӣ.

Дар бораи рейтинг

Феҳристи Global Passport Power Rank кишварҳоро аз рӯи шумораи давлатҳое баҳогузорӣ мекунад, ки шаҳрвандони онҳо бе раводид, бо раводид ҳангоми расидан, бо иҷозатномаи электронӣ ё раводиди электронии се рӯзӣ сафар карда метавонанд.

Тоҷикистон ба пеш!