КДАМ ва сиёсати «манқуртсозӣ»дар Тоҷикистон

20-уми феврали 2017, гуруҳе аз ифротгароёни Кумитаи давлатии амнияти миллӣ (КДАМ) ба манозили фаъолони Ҳизби наҳзати исломии Тоҷикистон (ҲНИТ) дар ноҳияи Шоҳмансури пойтахт ҳамла карданд.

Ин ифротгароёни КДАМ хона ба хонаи мухолифон ҳамла карда, занону кӯдакон ва дар маҷмӯъ тамоми аҳли хонаводаро таҳдид намуда гуфтанд, ки аз ҳар гуна тамос бо фаъолони ҲНИТ, ки дар байни онҳо фарзандону пайвандони онҳо низ ҳастанд, худдорӣ кунанд.

Ҳамзамон ин ифротгароён, ки амалан усули кориашон аз ҷинояткорон ва чеҳраашон аз даррандагон фарқе намекард, манзилҳо ва тамоми телефонҳои мобилии ин хонаводаҳоро тафтиш карда, рақамҳои «машкук»-ро ҷӯё мешуданд.

Ҳамзамон ин ифротгароён аксу суратҳои фаъолонро нишон дода мегуфтанд, ки «инҳоро мешиносед, бо инҳо тамос мегиред?!» Дар посух қисме аз кӯдакону наврасони ин хонаводаҳо ҳатто аз тарс падарони худашонро ҳам радд карда, ҷавоб медонанд, ки мо онҳоро намешиносем.

Ин аст сиёсати «хирадмандона»-и Ҳукумати Тоҷикистон, ки мардумро  аз тарс «манқурт» месозанд ва маҷбур мекунанд, ки фарзанд аз падар ва падар аз фарзанд даст кашад, чун вақте, ки қонун амалӣ намешавад ва Шодӣ ба ҷои Ҳодӣ муҷозот шуда, адолат поймол ва миллат ба нестӣ мерасад.

Short URL: https://smtlink.click/buhuhuCopyQR Code