Ҳукумати Арабистони Саудӣ нақша дорад соли оянда қатораи баландсуръатеро ба истифода диҳад, ки се шахри бузурги ин кишварро ба ҳам мепайвандад. Ин хатсайри роҳи оҳан “Ҳарамайн” номгузори шуда, байни шаҳрҳои Ҷидда, Макка ва Мадинаи Мунаввара равуо хоҳад кард.
Дар ин бора рузномаи “ал-Мадина” бо нақл аз Румайҳа Ар-Румайҳа, мақомдори Раёсати нақлиёти ҷамъиятӣ ва роҳи оҳани Саудӣ (SRO) хабар додааст.
“Дар нақша аст корҳои сохтмонӣ то охири соли равон ба итмом расанд” — гуфт Ар-Румайҳа ва дар идома афзуд, дар ҳоли ҳозир корҳои санҷишӣ дар хатсайри Мадина — Рабӣ идома дорад.
Тибқи иттилои охир, дар корҳои релсчинӣ то Макка танҳо 20 км боқӣ мондааст. Аз 450 км роҳи охан дар хатсайри Макка ва Мадина наздик ба 430 км роҳ релсчинӣ шудааст.
Ин қатораи баландсуръат масофаи байни Макка ва Мадинаро дар 2,5 соат ва масофаи байни Ҷидда ва Маккаро дар 30 дақиқа тай хоҳад кард.
Бояд гуфт, дар мавсими ҳаҷ ин кишварро аз 2 то 3 миллион танҳо ҳоҷиён зиёрат мекунанд ва зиёдшавии мусалмонон ва ба ин тартиб зоирони хонаи Худо, ҳукумати Саудиро водор ба чунин нақшаҳо кардааст. Ва ин хатсайр мувофиқи талаб буда, мушкилоти ҳоҷиёнро ба маротиб осон хоҳад кард.
