Вакили дифоъ, ҳомии ҳуқуқ ва роҳбари созмони Ҷавонони муҳочири точик дар Русия Иззат Амон аз тарафи шӯъбаи корҳои дохилии Якиманкаи Маскав боздошт шудааст.
Сабаби боздоштро пулис “тазоҳуроти бидину иҷозат” номидааст. Ваде худи Иззат Амон мегӯяд, ки онҳо на барои тазоҳурот, балки барои талаби музди меҳнати муҳоҷирони тоҷик ҷамъ шуда буданд.
Ӯ дар як тамоси кӯтоҳ ба “Паём” гуфт, ки бо даъвати муҳчирони ҷабрдида ба ширкати Элит.ру рафтааст, ки инак шаш моҳ аст музди меҳнати муҳоҷирони тоҷикро намепардозад. Вале баъди занги раиси ин ширкат, пулис ҳамаи ҷамъшудагонро ба иддорааш бурдааст.
Иззат мегӯяд, ҷамъшавии онҳо ҳеҷ шабоҳате ҳам ба тазоҳурот надошт, вале бо “заказ”-и раиси ширкат пулис онҳоро боздошт кардааст. Баъди як соати боздошт, Иззат Амон дар саҳифааш навишт, ки ӯро раҳо кардаву хостаанд, ки рӯзи душанбе ҳозир шавад, вале каме дертар хабар дод, ки бо қарори сардори ин шӯъба Василев Павел Генадевич то баргузории додгоҳ, яъне ҳади ақал то рӯзи душанбе дар боздоштгоҳ боқӣ мемонад.
Тафсилоти бештар нашр хоҳад шуд
