Сироҷиддин Муҳриддин, вазири корҳои хориҷии Тоҷикистон, рӯзи 13 феврал дар нишасти матбуотӣ бо ҳамтои русаш Сергей Лавров, изҳори нигаронӣ кард, ки изҳоротҳои муҳоҷирситезонаи бархе аз вакилон ва сиёсатмадорони рус фазои изтиробро дар ҷомеаи Тоҷикистон эҷод мекунанд.
📌 Танқиди амалкардҳои мақомоти Русия
Муҳриддин амалиёти мақомоти интизомии Русия алайҳи муҳоҷирони тоҷикро низ зери танқид гирифт:
«Амалиётҳо гоҳе бо шеваҳои сахт анҷом мешаванд. Мо талоши мақомоти Русияро барои танзими муҳоҷират зери суол намебарем, аммо ин чорабинӣ набояд боиси изтироб ва фазои манфии иттилоотӣ гардад», — гуфт ӯ дар Маскав.
📌 Паёмадҳои ҳамла ба “Крокус” ва вазъи муҳоҷирон
Баъд аз ҳамлаи маргбор ба толори консертии «Крокус» дар моҳи март, мавҷи фишорҳо ба муҳоҷирони тоҷик афзоиш ёфт. Дар натиҷа, беш аз 17 ҳазор муҳоҷири тоҷик аз Русия ихроҷ шуданд.
📌 Муҳоҷирон — қурбонии пропаганда
Матбуот ва бархе сиёсатмадорони рус муҳоҷирони тоҷикро сабаби мушкилоти кишварашон меноманд. Ин дар ҳолест, ки танҳо дар нимсолаи аввали соли 2024, беш аз 393 ҳазор шаҳрванди Тоҷикистон барои кор ба хориҷ, асосан ба Русия, сафар кардаанд.
📌 TajNews.org ҷомеаро даъват мекунад, ки дар ҳимояи ҳуқуқҳои муҳоҷирон ҳамовоз бошанд ва ба бартарафсозии таҳаммулнопазирӣ кӯмак кунанд.
