СММ мегӯяд, шумораи гурезаҳо, паноҳҷӯён ва муҳоҷирони дохилӣ дар соли 2016 ба дараҷаи рекордӣ расида, ба 65 миллиону 600 ҳазор нафар баробар шуд, ки назар ба соли гузашта 300 ҳазор нафар бештар аст.
Ба ҳисоби миёна соли гузашта ҳар дақиқа 20 нафар маҷбур ба он гашт, ки хонаи худро тарк кунад, яъне ҳар се сония 1 нафар паноҳанда ё гуреза шуд.
Аксари паноҳандагон – панҷуним миллион нафар аз Сурияанд. Ба ғайр аз ин, тавре муаллифони гузориши СММ мегӯянд, афзоиши ташаннуҷ дар Судони Ҷанубӣ зимни шиддат гирифтани низоъ сабаби фирори наздик ба 800 ҳазор одам гардид.
Раҳбари идораи СММ дар умури паноҳандагон Филиппо Грандӣ аз ҷомеаи ҷаҳонӣ хост, ҷойҳои пазириши паноҳҷӯёнро 13 мартаба бештар кунад. Ба гуфтаи ӯ, ҳоло зиёда аз 1 миллион нафар ба камтарин шароити зист ниёз доранд.
