Дар Озарбойҷон маъракаҳои таблиғотӣ доир ба баргузории раъйдиҳии умумихалқӣ оғоз гардид, ки гуфт мешавад, 26 уми сентябри соли равон баргузор хоҳад шуд.
Тағйиру иловаҳо ба Сарқонуни ин кишвар ба райъдиҳии умумӣ гузошта мешаванд, ки яке аз асоситаринашон тамдиди мӯҳлати президентӣ аз панҷ соли мавҷуда ба ҳафт сол аст.
Ба ин шева президенти вақти Озарбойҷон Илҳом Алив қасд дорад, ки мӯҳлати ҳукмронии худро дар ин кишвар тамдид намояд. Ин тарзи ҳукуматронӣ дар ҷамоҳири собиқ шуравӣ падидаи нав нест. Ҷамоҳире ба монанди Ӯзбакситону Тоҷикистон ва Туркманистону Руссия кайҳо дар Сарқонуни худ иловаҳо дохил намудаанд ва мӯҳлатии раёсатҷумҳуриро аз 4 солу 5 сол ба 6 солу 7 сол дароз кардаанд.
Ислом Каримов, президенти нахустини Ӯзбакистон бори аввал аз ин роҳ гом ниҳод ва дар натиҷа 25 сол дар сари қудрат монда, оқибат танҳо марги ғайриинтизор ӯро 2 юми сентябри соли равон аз ин курсӣ ба пояи қабр кашид.
Дигаре аз президентҳо Эмомалӣ Раҳмон аст, ки низ дар Қонуни асосии Тоҷикистон иловаҳо дохил намуда, зимоми қудратро солҳост, ки аз даст намедиҳад. Ҳатто дар райъпурсии умумие дар ин авохир боз ба Сарқонуни кишвар тағйирот дохил карда шуда, синну соли шахси ба мансаби раисҷумҳур интихобшавандаро аз 40 ба 30 сол поён оварда шуд.
Сиёсатшиносон гуфтанд, ки Эмомалӣ Раҳмон роҳро барои писари худ Рустами Эмомалӣ ҳамвор сохт ва ӯ метавонад дар интихоботи оянда бемалол ширкат варзида, зери ҳимояти падари худ ба муваффақият ноил гардад ва ба ин васила ҳукмронии сулолаи Раҳмониёнро дар Тоҷикистон боз солҳо давом бидиҳад.
Дар ҳамин ҳол Илҳом Алиев раисҷумҳури Озарбойҷон низ аз роҳи ҳамтоҳои худ чун Каримову Раҳмону Путин гом мебардорад ва ният дорад, ки ин кишварро солҳои мадид зери сарпанҷаи худ қарор диҳад.
