Мақомоти Иёлоти муттаҳидаи Амрико барои нахустин бор русияро дар ҳуқумҳои хакерӣ ба сохтори Ҳизби демократии ин кишвар гунаҳкор карданд. Дар вашингтон ба ин назаранд, ки Москва мехоҳад ба натиҷаи интихоботи раисҷумҳури ИМА таъсир расонад.
Вазорати адлия ва Раёсати ҷосусии миллии ИМА баёнияи муштарка дар ин замина содир карданд.
“Мақомоти таҷассусии ИМА мутмаъинанд, ки амри шикастани паёмҳои электронии шахсиятҳо ва сохторҳо, аз ҷумла ташкилотҳои сиёсии ИМА аз тарафи ҳукумати Русия содир шудааст” — омадааст дар ин баёнияи муштарак.
Дар изҳорот гуфта мешавад, ки усули шикастани пӯстҳои электронӣ дар бештари ҳол бо ҳаракоти хакерҳо аз Русия шабоҳат дорад.
“Бо назардошти ҳаҷми ҳуҷумҳо, мо ба ин назарем, ки мансабдорони баландпояи рус дар ин кор даст доранд” — изҳор кардаанд хадамоти ҷосусии амрикоӣ.
