Ин озмоиш дар чорчӯби иҷрои қонуни ҷанҷолии тазмини дастрасӣ ба интернети дохилии Русия сурат гирифт, ки дар моҳи ноябри 2019 лозим-ул иҷро шуд. Мунтақидон нигарони он ҳастанд, ки давлати Русия аз ин қонун барои сонсури гардиши озодонаи иттилоот истифода кунад.
Ба гузориши хабаргузории Фаронса ба нақл аз манобеъи маҳаллӣ, дар ҷараёни иҷрои ин тести интернети миллӣ дар манотиқи вежа, созукори вокуниш ба “таҳдидоти амниятӣ” коркарди амн ва пойдории интернети Русия озмоиш шуд.
Алексей Соколов, муовини вазири иртибототи Русия гуфт: “Натоиҷи ин озмоиш нишон дод, ки ба сурати куллӣ, мақомҳо ва операторҳои иртиботӣ омодагии посух сареъ ва мутаносибро ба таҳдидҳо ва хатарҳои қобили пешбинӣ доранд.”
Оқои Соколов мегӯяд дар ҷараёни ин размоиши сайберӣ сенарияҳои мутааддиде аз ҷумла ҳамлаҳои сайберии хориҷӣ, талош барои радёбии трофики додаҳо ва паёмакҳо ва роҳгирии макони корбарон дар Русия озмоиш шудааст.
Қонуни ҷадиди интернет дар Русия; Ташдиди сонсури давлатӣ
Яке аз аҳдофи Русия аз истифода аз механизми интернети миллӣ, коҳиши мизони гардиши иттилооти (трофики додаҳои) дохилӣ аз тариқи шабакаи ҷаҳонӣ тавсиф шудааст. Ба ҳамин манзур қарор аст Роскоманадзор, ниҳоди нозир бар шабакаҳои иртиботӣ ва телекоми Русия, як сохтори ҷадидро то соли 2021 дар операторҳои телефон ва телефони ҳамроҳ изофа кунад.
Ин фановарии ҷадид, ки ҷузъиёти зиёде дар бораи он дар дастрас нест ба Роскоманадзор иҷоза хоҳад дод то дар сурати ниёз додаҳои корбаронро амиқан баррасӣ кунад ё онро дар ихтиёри сервисҳои вижа қарор диҳад. Ин ниҳоди давлатӣ бо истифода аз сохтори техноложики ҷадид ҳамчунин хоҳад тавонист мӯҳтаво, сайтҳо ё платформҳои иртиботеро дар сурати лузум, бидуни ниёз ба ҳамкории операторҳо қатъ кунад.
Давлати Русия нигаронии истифода аз интернети миллӣ барои сонсурро бедалел тавсиф мекунад ва мегӯяд ин тарҳ сирфан барои итминон аз идомаи амалкарди дурусти шабакаи фановарии иттилоот дар Русия ба кор меояд.
Владимир Путин, раисҷумҳури Русия ҳафтаи гузашта дар ҷараёни конфронси хабари солонаи худ гуфт, ки интернети ҷаҳонӣ ва интернети миллӣ таорузе бо ҳам надоранд.
Шоҳиди ҳодисаи муҳим шудед?
Иттилоъ, акс ё видео фиристед — маводҳо махфона баррасӣ мешаванд.
