“Нигоҳ” нашрияи мустақил ва фаъол дар арсаи матбуоти Тоҷикистон ҳафтаи гузашта ба фурӯш набаромад.
Ҳарчанд то ҳол дастандаркорони ин нашрия расман сабаби онро шарҳ надодаанд, як манбаъ дар садорати нашри нашрияҳо гуфт, “Нигоҳ” дар чопи як калима ба хатои кӯчаке роҳ додааст. Яъне як ҳарф изофа рафтааст.
Ин хато дар шумораи аввали моҳи октябр рафтааст, вале Вазорати фарҳанг баъди ду ҳафтаи чопи нашрия огоҳ шуда, шумораи охирини моҳи ҷориро аз нашр боз доштааст.
Он хато дар калимаи “Президент” буда, як ҳарф изофа гардидаву “Президлент” шудааст. Вазорати фарҳанг дар бораи ин, ки барои хатои ду ҳафтӣа қабл чаро шумораи навро аз чоп боз медорад, чизе нагуфтааст.
“Нигоҳ” бо теъдоди чизе бештар аз 2,5 ҳазор адад нашр мегардад. Муассиси он Сайидмуҳиддин Дӯстмуҳаммадиён чанде пеш дар саҳифаи фейсбукиаш аз хонандагону фаъолону ҷомеъаи шаҳрвандӣ маслиҳат пурсида буд, ки наҳри “Нигоҳ” боздошта шавад ё хайр.
Нашрияҳои мустақил дар Тоҷикистон ба мушкилоти молӣ мувоҷеҳанд. гаронии андозу ва қоғазу чоп аз як тараф ва набудани хонанда аз тарафи дигар, нашрияҳоро байни ду қарор — нашр шудан ё нашудан саргум занонидааст.
