Боздошти 11 вакил ва таркиш дар Туркия

11 вакил аз Ҳизби демократии халқҳо, ки бештар аз курдҳо ҳимоят мекунад, аз ҷумла 2 роҳбари ин ҳизб дар Туркия боздошт шудаанд. Сабаби боздошти онҳоро Вазорати корҳои дохилаи ин кишвар ҳозир нашудан ба додситонӣ баъди даъвати он унвон кардаанд.
Яке аз роҳбарони ин ҳизб салоҳиддин Демирташ аз хонааш дар шаҳри курднишини Диярбоқир боздошт шуда ба Раёсати мубориза бо терроризми ВКД интиқол дода шудааст. Роҳбари дигари Фиген Юксекдоғро пулис дар манзилаш дастгир кардааст.  Тибқи иттилои хабаргузории туркии Анадолу, салоҳиддин Демиртош чанд дақиқа қабл ба додгоҳ барои баррасии ҳукми боздошташ, бурда шудааст.
Мақомоти туркӣ ин ду раҳбари ҲХД-ро ба кӯмак ба Ҳизби коргари курд (PKK) гунаҳкор медонанд. Ҳизби коргари курд дар Туркия террористӣ эълон шуда, фаъолияташ мамнӯъ эълон шудааст.
Субҳи имрӯз назди идораи пулис, ки Салоҳиддин Демирташ дар онҷо қарор дорад, як мошини мингузоришуда таркид, ки бар асари он ҳадди ақал як нафар кушта ва 30 нафари дигар захмӣ шуданд.
Пас аз боздоштҳо баъди кӯшиши табаддулоти моҳи июн, ин пурсарусадотарин боздоштҳо мебошанд. Алъон дар Туркия шабакаҳои иҷтимоӣ, аз ҷумла фейсбук, масдуд шудаанд.

Short URL: https://smtlink.click/g47az5CopyQR Code