Болоравии Тоҷикистон дар раддабндии нави Бонки ҷаҳонӣ

Тибқи раддабандии нави Бонки ҷаҳонӣ, Тоҷикистон мавқеъашро дар шохиси бурдани бизнес ба 33 нуқта беҳтар кардааст.

Бонки ҷаҳонӣ Тоҷикистонро барои се пешрафт ситоиш кардааст, ки он аз нуқтаҳои зерин иборат аст:

1. Пардохтҳо, яъне шумори пардохтҳои андоз дар як сол аз 28 ба 12 поён бурда шудааст.
2. Ҳаҷми вақте, ки барои тайёрӣ, пешниҳоди ҳисобот ва пардохти андоз аз даромад барои шахсони юридикӣ, андоз аз арзиши иловашуда ва пардохтҳо барои таъминоти иҷтимоӣ аз 276 соат дар соли 2016 ба 258 соат дар соли 2017 кам карда шудааст.
3. Ҳаҷми умумии андозҳо аз 81,8 фоиз дар соли 2016 ба 65,2 фоиз дар соли 2017, яъне 16.6 фоиз камтар шудааст.

Аммо дар ҳамин раддабандӣ тибқи нишондиҳандаҳое аз қабили бақайдгирии ширкатҳо, дарёфти иҷозат барои сохтмон, дарёфти қарзҳои бонкӣ, ҳимояи ҳуқуқҳои маблағгузорони миноритарӣ ва тиҷорати байналмиллалӣ, вазъ дар Тоҷикистон бадтар шудааст.

Short URL: https://smtlink.click/wfqs06CopyQR Code