Нохудои нови ҳавопаймобари Рузвелти Амрико, ки бо 4000 хадама дар Гуам паҳлу гирифта аз Вашингтон дархости кумак карда ва гуфта пас аз мусбат шудани тести ҳудуди 100 малавони ин нов, бими он дорад, ки ҳамагирӣ ба суръат дар ин киштии ғӯлпайкари низомӣ густурда шавад.
Нохудо Бретт Крузер дар номае ба Пентагон, вазорати дифоъи Амрико пешниҳод дода, ки кулли малавонон ва хадамаи ин нов карантина шаванд ва таъкид карда: “Мо дар ҳоли ҷанг нестем ва ниёзе нест, ки малавонони ман бимиранд.”
Нома ин фармондеҳи артиши Амрико нахустин бор дар нашрияи мунташир шуд ва сипас соири расонаҳои Амрико сиҳати онро таъйид карданд.
Ин нашрияи амрикоӣ гузориш карда, ки натоиҷи тести корунои дасти кам 100 нафар аз малавонони Нови ҳавопаймобари Теодор Рузвелт мусбат будааст.
Нохудо Крузер дар номаи худ ба Пентагон навишта ҳамагирӣ дар ин киштии ҷангӣ қобили контрол нест ва ҳам акнун “бо шитоб ва тасоуде” дар ҳоли густариш аст.
Ба гуфтаи ӯ мушаххасоти физикӣ ва фазои дохилии ин Нов ва шароити вижаи фаъолиятҳои рӯзонаи малавонон, ки дар ҳоли анҷоми вазоифи низомии рӯзона ҳастанд, иҷозаи фосилагузории физикӣ миёни онҳоро намедиҳад ва ба ҳамин иллат шикастани ҳалқаи интиқоли байни фарди вируси коруноро “бисёр бисёр мушкил” кардааст.
Капитан Крузер навишта пиёда кардани аксари малавонони ин нови ҳастаӣ ва карантина кардани онҳо дасти кам барои ду ҳафта дар як минтақаи мушаххас, эҳтимолан “роҳҳали фавқулъодае” барои миҳори шуйӯъи коруно дар миёни 4000 малавон ва хадамаи нови Рузвелт хоҳад буд.
Ӯ афзуда: “Ин як иқдоми зарурӣ аст.”
Дар вокуниш ба ин гузориш як сухангӯйи нерӯҳои дарёии Амрико ба Рейтерз гуфта: “Ҳамаи иқдомоти зарурӣ барои итминон аз беҳдошт ва саломати хадамаи нов Теодор Рузвелт фавран дар ҳоли анҷом аст”.
Нови ҳавопаймобари Рузвелт ҳамакнун дар савоҳили Гуам дар дарёи Филиппин ва воқеъ дар обҳои ҷануби Япония ва Кореяи ҷанубӣ аст.
Рӯзи сешанбе, 31 март, ҳамзамон бо интишори ин гузориш, шумори қурбониёни бемории COVID-19 дар Амрико аз 3400 нафар фаротар рафт то ин кишвар ба ин лиҳоз аз Чин фаротар биравад. Шумори мубталиён ба вируси коруно ҳамакнун дар Амрико ба беш аз 175 ҳазор нафар расида, ки баробари маҷмӯъи мубталиён дар Чин ва Испониё аст.
Шоҳиди ҳодисаи муҳим шудед?
Иттилоъ, акс ё видео фиристед — маводҳо махфона баррасӣ мешаванд.
