Сафорати Амрико дар Тоҷикистон 9 уми ноябри соли равон дар торнамои худ зимни нашри як хитобае шаҳрвандони муқими худро дар ин кишвар ҳушдор додааст, ки дар шаҳру навоҳии ин кишвари Осиёи Марказӣ хатари эҳтимоли ба вуқӯъ омадани ҳамлаҳои террористӣ вӯҷуд дорад.
Сафорат аз шаҳрвандони Амрико хостааст, ки аз нақлиёти ҷамъиятӣ истифода накунанд ва аз рафту омад дар ҷойҳои серодам парҳез намоянд. Сафорати ин кишвар дар Душанбе ҳамчунин ҳушдор додааст, ки агар дар вилояти Бадахшон ҳузур дошта бошанд, аз минтақаҳои марзӣ дуртар бошанд ва шабҳоро дуртар аз маҳалли зисти одамон гузаронанд. Аз сайри шабонаҳо даст бикашанд ва дар ҷойҳои кушод хоб нараванд.
Масъулини сафарати Амрико дар Душанбе гуфтаанд, ки ин як раҳнамоест, ки шаҳрвандони кишварашон дар ҳолатҳои истирорӣ истифода баранд ва аз паёмадҳои нохуш худро дифоъ намоянд. Гуфта мешавад, ин хитобаи Сафорати Амрико дар Тоҷикистон дар ҳоле ба нашр расидааст, хабаргузориҳои Афғонистон иттилоъ додаанд, фаъол гаштани Толибон дар шаҳр ва вилояти Қундуз заминаҳои убури террористони хориҷиро ба самти Тоҷикистону Ӯзбакситон ба бор овардааст.
Қундузи Афғонистон бо Тоҷикистону Ӯзбакистон ҳаммарз аст ва моҳҳои охир дар ин қаламрав нооромиҳо шиддат гирифта, борҳо шаҳри Қундуз аз даст ба даст мегузашт. Таъкид мегардад, ки ҳузури Толибон ва дигар созмонҳои ифротгаро дар ин минтақа бештар аз пеш ривоҷ карда, таҷаммӯи нерӯҳои ҷангҷӯ дар марзи Тоҷикистон мушоҳида мегардад.
