Амрулллоҳ Гулшикан шаҳрванди Туркияи сокини Шветсия ва мубтало ба коруно, ки таҳти дармон набуд, ба дастури вазири беҳдошти кишвар ба Анқара мунтақил шуд.
Амруллоҳ Гулшикан шаҳрванди Туркия ва сокини Шветсия, ки алорағми ибтило ба вируси COVID-19 таҳти дармон набуд, ба ҳамроҳи хонаводааш ба дастури Фахриддин Коҷа, вазири беҳдошти кишвар ба Анқара оварда шуд.
Амбулонси ҳавоии ҳомили ин шаҳрванд ва фарзандонаш дирӯз, 26 апрел соати 13.30 (ба вақти Туркия) дар фурудгоҳи Аснбуғои Анқара ба замин нишаст ва онҳо пас аз анҷоми тестҳои лозим тавассути кадри дармонӣ ба “бемористони шаҳр”-и Анқара мунтақил шуданд.
Лайло Гулшикан, духтари вай, ки дар Шветсия ба сар мебарад ба хабарнигори Анотули гуфтааст:
“Мақомот пас аз шунидани хабари бемории падарам бо мо тамос гирифтанд, пас аз ин ки хабаргузории Анотули ин хабарро мунташир кард даҳҳо мақоми давлатӣ телефон карданд. Вазири мӯҳтарами беҳдошт низ дар кӯтоҳтарин замони мумкин муқаддамоти сафари амбулонси ҳавоиро фароҳам кард. Ба кишварам ифтихор мекунам.’”
Ташаккур аз давлати Туркия бобати бозгардондани бемори мубтало ба коруно аз Шветсия
Лайло ва Самиро, духтарони Амруллоҳ Гулшикан, ки дар Шветсия ба вируси коруно мубтало шуда ва тавассути як фарванд амбулонси ҳавоии давлати Туркия ба кишвараш интиқол ёфтааст дар шабакаҳои иҷтимоӣ аз мақомоти Анқара ташаккур карданд.
Вазири беҳдошти Туркия субҳи имрӯз эълом кард: Соати 6 субҳи имрӯз як фарванд амбулонси ҳавоӣ барои интиқоли яке аз ҳамватанони муқими Шветсия, ки ба вируси коруно мубтало шудааст, ба ин кишвар фиристодем.
Вай афзуд: “Лайлои азиз, садоятро шунидем. Тамом мардуми Туркия аз ин ки дар ғурбат дучори чунин вазъияти шадид нороҳат шуданд. Бемористонҳо ва пизишкони кишварамон омода пазириш ва дармони падарат ҳастанд”.
Шоҳиди ҳодисаи муҳим шудед?
Иттилоъ, акс ё видео фиристед — маводҳо махфона баррасӣ мешаванд.
