Маҷмаъаи ҷаҳонии иқтисод нисбат ба рукуди иқтисодии тӯлонимуддат ношӣ аз шуйӯъи вируси коруно ва ҳамчунин афзоиш нархи бекорӣ ҳушдор дод.
Маҷмаъаи ҷаҳонии иқтисод тайи гузорише дар бораи рискҳо ва асароти ношӣ аз шуйӯъи вируси ҷадиди коруно (COVID-19) нисбат ба рукуди иқтисодии тӯлонимуддати ношӣ аз шуйӯъи ин вирус ҳушдор дод.
Дар ин гузориш омадааст: бар асоси назарсанҷии суратгирифта аз ҳудуди 350 мутахассиси риски бозор, ду севвуми аз ин афрод, рукуди иқтисоди ҷаҳониро ба унвони бузургтарин нигаронӣ ва хатари кунунӣ дар саросари ҷаҳон тайи ҳаждаҳ моҳи оянда медонанд.
Ниме аз ин мутахассисин аз афзоиши сатҳи бекорӣ ба вижа дар миёни ҷавонон, шурӯъи мавҷи дувуми COVID-19 ва ё шуйӯъи як бемории дигар ибрози нигаронӣ карда ва ин маворидро ба унвони дуввумин нигаронии бузурги худ эълом кардаанд.
Дар гузориши маҷмаъаи ҷаҳонии иқтисод ҳамчунин омадааст, ки тазъифи авзоъи молӣ дар иқтисодҳои бузург ва адами шурӯъи фаъолияти муҷаддади саноеъ дар бархе аз кишварҳо ба унвони рискҳои муҳими дигари матраҳшуда дар ин назарсанҷӣ аст.
Бар асоси ин гузориш, афзоиши варшикастагии ширкатҳои бузург ва ташдиди нобаробаиҳо аз аворизи ҷониби эҳтимолии ин пандемӣ хоҳад буд.
Ҳамчунин тасреҳ шуда, ки дар пайи шуйӯъи коруно, дар занҷираҳои арзаи ҷаҳонӣ халале тӯлонимуддат пешбинӣ мешавад ва ҷаҳон омодаи муқобила бо таъсири густурдаи силсилае аз хатароти зистмуҳитӣ, иҷтимоӣ ва фановарӣ нест.
Дар ин гузориш таъкид шуда, ки кишварҳо бояд ба манзури беҳбудии сареъ ва пойдории иқтисоди ҷаҳонӣ талош кунанд.
Сообщение ПАЁМ.net.
Шоҳиди ҳодисаи муҳим шудед?
Иттилоъ, акс ё видео фиристед — маводҳо махфона баррасӣ мешаванд.
