Бо истифода додани маркази гармидиҳии “Душанбе-2” истеҳсоли нерӯи барқ дар Тоҷикистон 16 дарсад бештар шуда, лимити барқ ба аҳолӣ ҳам камтар шудааст.
Маркази гармидиҳии “Душанбе-2”, ки дирӯз бо ширкати Эмомалӣ Раҳмон ба истифода дода шуд, 300 мегаватт нерӯи барқ истеҳсол мекунад. Ин марказ аз тарафи ширкати чинии ТВЕА бо харҷи 349 миллион доллар сохта шудааст, ки дар назар аст на танҳо хонаҳои сокинони пойтахтро гарм кунад, балки мушкили таъмини аҳолӣ ба барқро ҳам осонтар кунад.
Аз 349 миллионе, ки барои бунёди ин марказ масраф шудааст, Тоҷикистон танҳо 17 миллион саҳм дошта, дар ивази масраф ва сохтмони он ду кони тиллоро дар ихтиёри ин ширкати чинӣ гузоштааст. Иқтидори истеҳсолии маркази гармидиҳӣ шабонарӯзӣ 9,6 миллион соат нерӯи барқ ва 235 гигакалория гармӣ гуфта мешавад, ки нерӯи барқи истеҳсолшуда дар ин марказ метавонад то 60 дарсади талаботи Душанбе ба барқро таъмин созад.
