25-уми январ, Ҷафар Асимов, асосгузори клуби дӯстдорони сайёҳат «ДайДушки», ҳангоми лижаронӣ дар болотарин нуқтаи осоишгоҳи лижаронии «Сафед-Дара» дар зери тарма ҳалок шуд.
Тибқи иттилои Кумитаи ҳолатҳои фавқулода, ин ҳодисаи фоҷеабор рӯзи шанбе рух дод. Ҷафар ва ду рафиқи ӯ бидуни риояи чораҳои амниятӣ лижаронӣ мекарданд, ки ногаҳон тарма фаромад ва онҳоро зери барфи ғафс пӯшонд.
Ба гуфтаи Умеда Юсуфӣ, сухангӯи КҲФ, ду нафар тавонистанд худ аз зери барф берун оянд ва кӯмак даъват кунанд. Кормандони осоишгоҳ зуд расида, ҷасади Ҷафарро аз зери барф берун карданд. Ду дӯсташ бо ҷароҳатҳои сабук ба беморхона интиқол дода шуданд.
Маъракаи видоъ бо Ҷафар Асимов имрӯз, 26 январ, соати 11:00, дар суроғаи кӯчаи Курбона Раҳимов, 9/1 (назди “Гемотест”, Пойтахт, Спартак) баргузор мешавад.
Ҳалокати Ҷафар Асимов як талафоти бузург барои ҷомеаи дӯстдорони сайёҳат ва ҳамаи онҳое, ки ӯро мешинохтанд, мебошад. Хотираи ӯ ҳамеша дар дилҳои дӯстон ва пайвандонаш боқӣ мемонад.
