Неъматулло Акбаров, як корбари фейсбук аз ҳоли талхи муҳоҷирони тоҷику ӯзбек ҳикоя кардааст, ки дарёфти шаҳрвандии Русияро хушбахтӣ меҳисобанд ва онро ҷашн мегиранду маърака меороянд.
Ӯ гуфтааст хортар аз ин миллат касеро надидааст, ки чӣ ҷавону чӣ маъюб ва чӣ мӯйсафедаш дар фикри дарёфти шаҳрвандианд:
«Як сол дар Русия зистам, бо муҳоҷирон кор доштам. (ҳуҷҷатҳошона тарҷимаву таҳия мекардам). Ҳеҷ миллатеро хортару ноумедтар аз тоҷикону узбакҳо надидам. Шоҳид будам, ки шаҳрвандони 60 солаи ин кишварҳо, ҳатто маъюбонашон, барои гирифтани шаҳрвандии Русия талош мекарданд. Ба нархи ҷон шаҳрванди Русия мешуданд…Сад қоғаз таҳия мекардандуба сад эҳтимол РВП мегирифтанд..баъди 3 сол Вид на жительство, баъди 5 сол баъд шаҳрвандӣ…бисёршон барои гирифтани РВП ашки шодӣ мерехтанд…” — навиштааст Неъматулло Акбаров.
Баъдан суол мегузорад, ки магар як инсоне, ки дар ватанаш саъодатманд аст, ба ин ҳол меафтад: “ Шумо тасаввур мекунед ин ҳолатро? Як шаҳрванд саъодатманд бошад, ба ин ҳол меафтад? Вагарна маъюбу бознишастаро чиву дар сардии 40 дараҷагии Сибир соатҳо мунтазир монданаш чӣ?! Ҳуввият, худшиносӣ…ин вожаҳои таҳқиркунанда ҳастанд бари онҳо…чунки дар кишвраи худашон рӯзбар нашуданд…Барои паспорти русӣ гирифтан дар ҳаво мепариданд..маърака медоданд…”
Ӯ дар идома мегӯяд: “Ин чӣ маъно дорад? Худам осон метавонистам шаҳрвандӣ гирам…аммо ҳамаро партофтаму омадам…гӯё эътироз кардам…ба онҳо хостам бигӯям ки «биё ҳамамон беномус нашавем!»
Дар охир ин корабри фейсбук аз раисҷумҳурони ду кишвар даъват кардааст, ки ба доди мардумашон бирасанд: “Ҳоло вақташ аст, ки Президенти Тоҷикистону Президенти Узбакистон аз баҳси сари табақи ош даст бардоранду шаҳрвандонашонро соҳиб шаванд. Ман аз сарафкандагииин ду миллат шарм доштам, наход онҳо шарм накунанд?!”
